Sæl öll
​​Mér datt í hug hvort ekki væri gaman að birta einnig bréf frá Víkingi til mömmu frá 1949 (hún er búin að samþykkja það). Þetta er reyndar bara önnur síðan af sennilega tveimur, hin virðist vera glötuð en skemmtilegt er þetta samt.
Kv
Hilma
 
 
Skógargerði 2. október 1949

Halló Dagný!
​
Þú varst nú meiri álfurinn að bíða ekki eftir göngunum eins og ég var að brína fyrir þér.  Nú er ég búinn að fara í þær fyrstu norður á Dal og það var alveg hrífandi skemmtilegt ferðalag eins og þú getur trúað þar sem ég var á úrvalsgæðingum, Flugu og Stóra, og reið alltaf á sprettinum og fór í loftköstum yfir marga grafninga á leiðinni.  Túrinn tók fjóra daga. Ég hefði lofað  þér að fara með mér ef þú hefðir ekki verið stokkin í burtu.  Þú hefðir getað riðið á Dumb og haft Trygg til að gelta að þér þegar þú hefðir komið á bæi. Á morgun fer ég í aðra göngu norður.
Jæja, ég man engar fréttir nema þá að kötturinn drap einn hænu unga hér um daginn og það kvað hafa verið eina hænan í ungunum, hitt eru allt hanar og meira að segja er einn þeirra kalkúna hana afbrigði sem mér stendur mikill stuggur af.